خذني معك.. من وين مارحت وياك..
خذني بقلبك..دام قلبي رهينك..
صعبه ترى لو شفت وشلون ابسلاك..
لوطفت هالعالم تراني سجينك..
عذبتني واشقيت روحٍ تمناك...
لو الهوى ينطق وربي يدينك...
مات الغلا ينزف على درب ذكراك..
رغم الجفا لازال يرجي حنينك..
بعدك حياتي كلها ضيق وارباك...
الواقع اللي ماتمناه عينك..
كل المشاعر في غيابك تحراك..
تصرخ عليك من الوله حيييل وينك؟؟..
أعاهدك ببقى على الحب منساك..
عهد قطعته بين قلب وبينك...
مقدر على بعدك حشى كيف فرقاك؟
هذي الحقيقه خلها في يقينك..
أدري تساومني بروعةمزاياك..
وتدري اضيع ..إليابدالي جبينك..
همك عذابي..اللي نسى الناس لرضاك
وهمي اشوفك مهتني في سنينك..
لو تطلب سنين العمر من فداياك...
سلمت لك عمري براحت يمينك...
منك احتملت من الشقى فوق ماجاك..
وذقت العنا والهمكني حزينك..
يكفي دخيلك حس باللي ترجاك..
لاعاش منهو ياحياتي يهينك..
تعبت مالي بالهوى غير دنياك...
مديت لك يمناي عطني يمينك...
النــاعـــمـــه
الأربعاء أغسطس 27, 2008 3:39 pm
